الرئيسية / مشاركات من القراء / ال١٠٠ يوم سعادة

ال١٠٠ يوم سعادة

سمعنا من علا عن الـ #100HappyDays … و خليناها تقول لنا 😉
” ايه هو تحدي ال١٠٠ يوم سعادة؟
هو تحدي لمدة ١٠٠ يوم متتالية بعمل فيهم اي حاجة و كل حاجة بتسعدني، بفتكر حاجات كنت بحبها و نسيتها، و بعيد فيه اكتشاف نفسي من جديد بالتجربة.. اول مرة سمعت عنه اتريقت و حسيت انه وهم و شويه كلام Motivation لكن لما بدأت فيه حسيت اني بتغير و ببص لنعم كتير حواليا و حاجات حلوة مكُنتش واخدة بالي منها
– يعني معقول ١٠٠ يوم مش هزعل و مش هعيط و مش هكتئب طب مش هتعب ولا هعيا طب مش هسمع كلام سلبي او يتنكد عليا من اي حد او اي حاجة.. ؟!
كل ده هيحصل و هنا هدف التحدي “المقاومة” و ان مهما حصل و مهما وقعت هقف و هعافر و هكمل.
– بس انا اصلا مش عارفه ايه اللي بيسعدني او ابقى مبسوطه ازاي ..
ده تاني هدف للتحدي “انك تكتشفي نفسك،” تكسري الحواجز و تجربي حاجات جديدة، أو تفتكري انتي اصلا كنتي بتحبي ايه و ايه كان بيفرحك و نستيه مع زحمه الحياة و ضغوطتها.
الحزن و الوجع و المشاعر السلبية و الاكتئاب و الفشل كل دي مشاعر طبيعية كلنا مُعرضين ليها و بنتعامل معاها كل يوم بس لازم نفهم انهم جزء من رحلتنا..
السعادة مش هدف هنوصله و نبقى حققناه.. السعادة اننا نقع و نقوم و نحاول تاني السعادة الحقيقية في اننا نكتشف قدراتنا اللي اكبر بكتير من تخيُلاتنا.. السعادة الحقيقية في الرحلة اللي بتبدأ بخطوه مهما كانت صغيرة في النهاية خطوة على خطوة هتتفتحلنا سكك جديدة هتوصلنا لهدفنا و ساعتها بس هنحس اننا نجحنا
شكراً || علا حسن … عاش

عن فريق انتربرنيل

شاهد أيضاً

“رضوي رستم ” مؤسسة مشروع Hand over

حكايتنا النهاردة حكاية بنت بلدنا، طول عمرها بتحب تراب أرضها، و حلمها إنها تساعد ولاد …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *