الرئيسية / بنت بـ١٠٠ / حاجات هتفرق فى حياتك

حاجات هتفرق فى حياتك

٥ حاجات هيفرقوا في حياتك و هيخلوكي أحسن و أقوى …
** إقرأيهم بتركيز

١- دايما خلي اعتمادك على نفسك مش معنى كده انك هتعيشي مُنعزله أو متطلبيش مساعدة حد بالعكس لكن دايما حاولي يكون اعتمادك الأول على نفسك عشان متتخذليش من إلّي حواليكي كتير و كل ما تعتمدي على نفسك اكتر ده هيخليكي قوية اكتر.

٢- نظمي وقتك لأن كتير مننا بيحسوا بالملل و ان الأيام بتكرر بنفس الروتين، عشان تتخلصي من ده رتبي أولوياتك و حددي لنفسك وقت تخلصي فيه كل حاجه من إلّي وراكي عشان اليوم ميضعش منك و تستغليه في اكتر من حاجه و بكده يبقى عندك وقت ترفهي عن نفسك و متمليش.

٣- متخليش مشاعرك تتحكم فيكي! و عشان هاتتعرضي كتير لمواقف صعبه و ضغوطات عودي نفسك متاخديش قرار و انتي مُنفعله لأن ده هيخليكي تاخدي قرارات سريعة و ترجعي تندمي عليها و ده هيضيع حقك في مواقف كتير.
استني لحد ما تهدي و تفكري بعقل اكتر.

٤- جربي كتير و اقري اكتر في حاجات في حياتك مش هتتعلميها غير بالممارسة و خاصه لو بتشتغلي لأنك بتتعاملي مع مجتمع مفتوح اكتر من بيتك و مع شريحه من الناس مختلفه عنك.

٥- متحاوليش ترضى اي حد على حساب نفسك لأنك في كل الأحوال مش هتعرفي و لا تسمحي لحد يحددلك قدراتك و إنك بتعرفي تعملي كذا أو كذا انتي أدرى الناس بنفسك اغلطي و هتتعلمي و ابعدي عن اي ناس سلبية بتحبطك.

حبي نفسك و خلي عندك إيمان و ثقه فيها خليكي قويه بنفسك لنفسك خليكي بنت ب١٠٠

عن فريق انتربرنيل

شاهد أيضاً

رشا أنور

أطفالك عمرهم ما كانوا عقبة في طريقك و عمر انشغالك بيهم هيعطل مسيرة نجاحك دا …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *