الرئيسية / تطوير الذات / نصايح مهمه لو عاوزه تبدأى تدريب !

نصايح مهمه لو عاوزه تبدأى تدريب !

الإستغلال للإسف بقي من الظواهر المنتشرة جداً في مجتمعنا في مجال العمل بسبب حاجات كتير لا داعى لذكرها ، لإن الأهم من ذكرها هو اننا نعرف ازاي نتفادي دا.
ولأن أغلب البنات هتبدأ تدور على تدريب صيفي من دلوقتي وتشوف فرص حلوة عشان كده جمعنا ليكي أهم نقاط لوعايزة تبدأي تدريب يبقى لازم تاخدي بالك منها ..

١- أي تدريب فترته بتكون من شهرين الى تلاتة
٢- قبل التدريب اعرفي هتتدرب في ايه بالظبط ؟
٣- متعمليش حاجة ملهاش علاقة بالتدريب بتاعك لمجرد إنك بتتدربي ولو هتعملي لازم يتحسب ليكي كـbonus
٤- اسألي اللي سبقوكي عن التدريب قبل ما تروحي
٥- مكافأة التدريب بتختلف من مكان للتاني يا مرتب شهري بيكون صغير ، او مكافأة على مدة التدريب كلها وبعدها بتمشي أو بيكون فيه تعيين ، فلازم تعرفي من الأول فترة التدريب قد ايه ونهايته هتكون ايه؟
٦- اعرفي من الأول معايير تقييمك في التدريب ، واطلبي ده نهاية كل شهر “لازم تبقى عارفة اللي ليكي واللي عليكي” عشان متتفجأيش بأي قرار
٧- فيه تدريبات بتتعمل في الصيف في الشركات الكبيرة دوري عليها ، واعرفي ازاي تتقبلي فيها وجهزي نفسك كويس وخوضي التجربة ولو فشلتي ..طوري من نفسك ، لو معرفتيش السنة دي جهزي نفسك للسنة الجاية
٨- حاولي متروحيش تتدربي في ستارت اب الا لو مكان “موثوق فيه” لانك وقتها هتستفيدي جداً جداً
٩- اسألي اللي سبقوكي عن التدريب قبل ما تروحي
١٠- من حقك تتعاملي معاملة آدمية
١١- عادي وطبيعي انك تغلطي في فترة التدريب ، المهم إنك تكوني مش بتقصري وملتزمة بالمطلوب منك
١٢- هدف التدريب انك تشوفي خبرات وتتعلمي و تذاكري وتقدمي تاسكات بيتم تقييمها لو ده مبيحصلش ، وبتشتغلي مع نفسك ، يبقى مش هتستفيدي وامشي
١٣- تدريب يعني مطلوب منك تعملي تاسكات لحد ما تبدأي شغل ، لكن كونك شغلك اللي بتقدميه هيدخل في مشاريع ليها ربح يبقى من حقك تطلبي فلوس أو مكافاة
١٤- اسألي اللي سبقوكي عن التدريب قبل ما تروحي
١٥- لو سبق ليكي تجربة تدريب أو شغل فاشلة متقعديش تعيطي جنبها ، اتعلمي منها وقومي تاني واعرفي انك خدتي خبرات كبيرة هتفيدك في مواقف كتير قدام

عن فريق انتربرنيل

شاهد أيضاً

“مهارات من Google” مبادرة جديدة لرائدات الأعمال .

فرصة جديدة لرائدات الأعمال || اطلقت Google مبادرة جديدة وهي “مهارات من Google” واللي من …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *