الرئيسية / بنت بـ١٠٠ / ريم فوزى – ست بـ١٠٠

ريم فوزى – ست بـ١٠٠

مجال ريادة الأعمال مجال صعب و كله عقبات لكن كالعادة الست المصرية بتكسر القاعدة و معندهاش حاجه اسمها “مش هقدر”
ريم فوزي اتخرجت من كلية التجارة – إدارة اعمال جامعة حلوان و بدأت حياتها المهنية كمحاسبه في شركة سياحة لمدة ٨ سنين لحد ما وصلت لمنصب مديرة الشركة لكن حلمها موقفش لحد هنا فأستقالت و بدأت مشروعها بمكتب صغير بأسم “ريمو تورز” في مطار القاهرة و دي كانت أولى خطوتها في مجال ريادة الأعمال و إللي حقق نجاح لا بأس به و في الوقت ده جاتلها فكرة تاكسي العاصمة و إللي خدت منها وقت كبير جدا على ما اخدت موافقة تنفيذها و بعد فترة كان مشروع تاكسي العاصمة على أرض الواقع و لكن مع ظهور التاكسي الأبيض اضطرت تبيع الشركة على الرغم من نجاح المشروع.
و من هنا دخلت ريم فوزي مجال السياحة و بدأت في مشروع للنقل السياحي و الليموزين و بقت صاحبه مجموعة شركات “ريمو تورز” و إللي وصلت ل ١٠ فروع و حوالي ١٥٠ موظف وبرغم التحديات إللي قابلتها إلا انها واجهت ده بشكل ذكي و دخلت برنامج خاص بريادة الأعمال في الجامعة الأمريكية و إللي بسببه قدرت تعمل خطط جديدة قدرت بيها تتغلب على كل التحديات إللي بتواجهها و بالفعل بدأت تغير نشاطها عشان يواكب سوق العمل و حولت تركيزها للسوق المحلي، و استعادت نشاط شركتها و ده كان سبب منحها لقب رائدة سيدات الأعمال فى الشرق الأوسط و أفريقيا من مؤسسة كلينتون و ده مش التكريم الوحيد و لكن كرمها وزير السياحة على دورها الفعال و المؤثر في مجال السياحة و ريادة الأعمال و تم تكريمها من عدد من المؤسسات باعتبارها نموذج مُلهم و مهم في المجتمع المصري و وجهه مُشرفه قُدام العالم كله. رغم كل النجاحات دي لكن ده موقفش طموحها و بدأت في مشروع جديد “البينك تاكسي” و ده لأنها حبت تخدم مجتمعها لأن فكرة بينك تاكسي قايمه على التصدي للتحرش و توفير الأمان للبنت عشان تقدر تمارس حياتها بحُريه تامه.

كل النجاحات و التحديات دي و ريم كانت زوجه و أم ??

ريم فوزى بتمثل كل ست مصرية جدعه عايزة تحقق طموحها و تخدم مجتمعها.

عاش يا ريم ?

#بنت_ب١٠٠ #انتي_تقدرى #في_ضهر_بعض

عن فريق انتربرنيل

شاهد أيضاً

مصريات رائدات يتصدرن قائمة فوربس | أقوى السيدات العربيات لعام ٢٠١٧ |

هذا العام تحديدا، يبدو أن النساء في العالم العربي يحققن المزيد من النجاحات ويثبتن جدارتهن …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *