الرئيسية / افكار جديده / إزاي ابدأ قراءة لو مكنتش بقرأ أو لو مبحبش القراءة أصلا ؟!

إزاي ابدأ قراءة لو مكنتش بقرأ أو لو مبحبش القراءة أصلا ؟!

? || جاتلنا اسئلة كتير عن ” إزاي ابدأ قراءة لو مكنتش بقرأ أو لو مبحبش القراءة أصلا ؟! ”

كتير مننا مش بيحب #القراءة رغم اننا عارفين أنها مفيدة و في منهم مجربش اصلا يقرأ، عشان كده جربي الأول واحكمي ولو محبتيش القراءة وبأكد على نقطة “القراءة” نفسها مش الكتاب عشان الكتب أذواق زيها زي الأكل كده ممكن يكون شكله مغري قوي للأكل وتيجي تدوقيه ميعجبكيش وهكذا في الكتب عشان كده متخديش موقف قبل ما الكتاب إلّي بتقريه نفسه يعجبك فعلا.
-و هنا تيجي المشكلة التانية و انك بدأتي تقرأي اكتر من كتاب بس كل فترة كبيرة او ان الكتاب إلّي بتبدأي فيه مبتخلصهوش ايه الحل!
المشكلة دي ليها اكتر من حل
ممكن مثلا تخصصي وقت المواصلات إلّي بيضيع ف انك تقرأي، طب مش هعرف اركز من الدوشة! ممكن بدل ما تقرأي الكتاب تسمعيه و كده هتكوني فصلتي من العالم إلّي حواليكي و متضيعيش وقتك و بتزودي ثقافتك فالوقت إلّي كان بيضيع اصلا.
طب انا بقرأ وبحب القراءة جدا بس المشكلة بقى ان لما اتحط ف موقف المفروض اني اتكلم فيه أو اقول معلومة من إلّي قرأت عنها كتاب كامل مابفتكرش ودا بيحسسني اني بضيع وقت و ما استفدتش ؟
ده طبيعي لأنك لما تقرأي حاجة مش هتفتكريها كلها إلا كان زمانا لما نيجي نذاكر نقرأ الكتب إلّي علينا مرة وخلاص فهي هي الكتاب بيثبت لما بتقرأيه أكتر من مرة و بتختلف من شخص للتاني حسب التركيز و حسب انتي بتقرأي عشان عايزة اخلص الكتاب و استفيد والا عشان حاطة هدف اخلص عدد معين من الكتب و عمالة تبصي ف الساعة كل شوية ومش مركزة ده هيأثر على نسبة التلّاقي.
وتالت حاجه ممكن تكوني بتتلقي اكتر عن طريق السمع احسن من القراءة ف ممكن بردو تجربي تسمعي الكتب.
اخر حاجة خلي دايما جمبك نوتة تكتبي فيها الحاجات المهمة أو الحاجات اللي عايزة تفتكريها بدل ما تعلمي عليها ف الكتاب و ترجعيلها كل شويه.
–طب ابدأ بأيه او اقتراحات كتب حلوة؟
الكتب مجالات كتيرة منها تنمية ذاتية زي الإدارة و التسويق و الإقناع و غيره وكتب السير ذاتية دي قصص الناس الناجحة و تتعلمي من خبرتهم ف المجال ده و كتب علمية و كتب تاريخية و دينية وكتير جدا غيرهم ف لازم تحددي الاول عايزة تنمي ايه بالضبط عندك و هدفك ايه من قراءة الكتاب الجاي.
مثلا في كتاب زي “كيف تبيع اي شيء لأي انسان” مفيد جدا ف مجال المبيعات.
أو كتاب “الأب الغني والأب الفقير” و “اغنى رجل في بابل” دول عن الذكاء المالي والاستثمار.
و كتب عن الذكاء العاطفي والعلاقة بين الرجل و المرأة زي “لغات الحب الخمس” و “الرجال من المريخ والنساء من الزهرة”.

ودي بعض المكتبات إلّي جربناهم عشان تنزلي الكتب PDF

مكتبة بوك فور يو goo.gl/ZTolH
مكتبة عصير الكتب goo.gl/g7AcD0

ودا الجروب بتاعها على الفيسبوك || goo.gl/FHX9ij

وبالنسبة للكتب السمع ف عن طريق اقرأ لي
goo.gl/6lNLC ووممكن تحملي الApp بتاعهم هيكون اسهلك وبتحملي الكتب اللي عيزاها و تسمعيها اوفلاين.

لو قرأتي كتاب و عجبك شاركينا في الكومنتات عشان نقدر نغطي عدد اكبر من اسماء الكتب و في كذا مجال.

#في_ضهر_بعض #انتي_تقدرى

عن فريق انتربرنيل

شاهد أيضاً

اتعملي لغة جديدة Online

عشان تتعلمي لغة جديدة مش محتاجه سنين، “جوش كوفمان Josh Kaufman” أثبت العكس لما اتعلم …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *