الرئيسية / افكار جديده / اتعلمي إزاي تنمى موهبتك

اتعلمي إزاي تنمى موهبتك

الموهبه و الأبداع مهارة طبيعيه مش بنكتسبها مع الوقت هي اصلا بتكون موجوده ،مفيش حد معندوش موهبه حتى و ان كانت بسيطه كل إللي عليكي انك تعرفي إزاي تنمي موهبتك البسيطه دي و إللي ممكن تكون هي سبب تميزك ، ودي خطوات بسيطه ازاي تنمي موهبتك و تشتغلي عليها .. اقريهم كويس و ركزي فيهم :

-متخليش رأي حد يأثر فيكي: أي فكرة في بدايتها بيقبلها كتير من النقد أوالرفض وأحيانا السخريه ،متخليش رأي حد يأثر عليكي و على قناعتك بموهبتك بشكل سلبي و متسمعيش غير للي رأيه هيطور منك وهيساعدك تطوري موهبتك .

-انتي حَكم نفسك : بمعنى انك لازم كل فتره تقعدي مع نفسك و تشوفي إللي وصلتيله ده هو إللي فعلا عايزاه والا كان ممكن تقدمي أحسن و بكده هتعرفي نقط ضعفك و قوتك و تشتغلي عليهم أكتر.

-فكري بره الصندوق و ابعدي عن الروتين: اكتر حاجه ممكن تضيع ابداعك و طاقتك هي الروتين حاولي دايما ان يومك يكون في حاجه جديده بتعمليها ، خليكي مختلفه و مميزه بأنك تجددي في أفكارك اخرجي بره الصندوق مش لازم تكوني شبه حد ولا زي حد عشان تنجحي .

-اتحدي نفسك: انك تكوني مبدعه و مختلفه ده مش محتاج فلوس و إمكانيات كبيره قد ما محتاج مجهود .. استغلي كل الأمكانيات الموجوده حواليكي عشان تنفذي أفكارك و واحدة واحدة هتلاقي ان افكارك بتتطور و تنجح و بالتالي وقتها هتعرفي تطوري من إمكانياتك بشكل أكبر.

ابدأي و حاولي متكسليش و تضيعي وقتك ،، و احكيلنا عن تجربتك
#انتي_تقدري #في_ضهر_بعض

عن فريق انتربرنيل

شاهد أيضاً

اتعملي لغة جديدة Online

عشان تتعلمي لغة جديدة مش محتاجه سنين، “جوش كوفمان Josh Kaufman” أثبت العكس لما اتعلم …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *