الرئيسية / بنت بـ١٠٠ / سوزان جابر .. برا الصندوق !

سوزان جابر .. برا الصندوق !

دلوقتي مبقاش في حاجه اسمها صعب أو مستحيل بنات كتير كسروا القاعده بتفكيرهم برا الصندوق و ده اللي ميزهم و كان سبب نجاحهم .

و زي ما هو معروف عن بنات اسكندريه التميز و الإبداع في مجالات كتير مُختلفه اتميزت سوزان جابر ٢٦ سنه بطلة مصر و التانيه في العالم العربي في “رماية الأطباق الطايرة ” و اللي متعارضش خالص مع شغلها كمدرسة English وطالبة ماجستير.
بدأت رماية من ١٠ سنين و ده كان انتقالها من رياضة الكاراتيه اللي كانت بطلة مصر فيه لخمس سنين متتاليه .
فى ٢٠١٦ حصلت على المركز الثاني في البطوله العربيه ، والثالث فى البطوله الأفريقيه و الثالث فى مسابقه الجائزة الكبرى بالكويت.
و لما سألنا سوزان عن الصعوبات اللي بتواجها قالت :”المشاكل اللي بتواجهنىي حاليا هى عدم المشاركة فى أي بطولة دولية لشهور كتير و سببه ميزانية الإتحاد للرمايه و ده بيأثر سلبياً على المستوى لأن الاحتكاك الدولي مهم جدا و ارقامي أفضل بكتير في المباريات الدولية الدليل حصولى على ٣ ميداليات متتاليه فى ٣ بطولات خلال شهور فى ٢٠١٦”
لكن رغم ده شغفها بالرياضة متغيرش بالعكس زاد و ده اللي خلاها تشارك فى بطولات الثنائي (Duathlon) المكونه من الجري و ركوب الدراجات و اللي فريقها كسب فيها المركز الاول في بطولة سهل حشيش ديسمبر ٢٠١٦، ده غير انها عضو فى Alex Runners و فريق الدراجات GBI و بتنظم رحلات عشان تحضر المسابقات الدولية و اللي من خلالها مثلت مصر في اكتر من مسابقة في أفريقيا و قبرص و إيطاليا و الكويت و المغرب كمان اخدت بطولات محلية كتير لكذا سنة ورا بعض.

عاش يا سوزان
#انتي_تقدرى #في_ضهر_بعض #بنت_ب١٠٠

عن فريق انتربرنيل

شاهد أيضاً

مصريات رائدات يتصدرن قائمة فوربس | أقوى السيدات العربيات لعام ٢٠١٧ |

هذا العام تحديدا، يبدو أن النساء في العالم العربي يحققن المزيد من النجاحات ويثبتن جدارتهن …