الرئيسية / افكار جديده / التوتر و السعادة دونت ميكس !

التوتر و السعادة دونت ميكس !

مع المسؤولية سواء في الدراسة /الشغل أو البيت بتحسي انك مضغوطه و متوترة و ده بيكون سبب لتقلب مزاجك و عشان كده دي ٦ نصايح مهمة هتساعدك تتخلصي من الضغط و التوتر، اعمليلهم Save عشان اكيد هتحتاجيهم ?

١- كل يوم الصبح اكتبي في ورقة هتعملي ايه خلال اليوم و قسمي وقتك على أساسها ممكن متظبطش من أول يوم بس واحدة واحدة هتلاقي نفسك تلقائي بتعرفي تنظمي وقتك.

٢-خصصي وقت للراحة.. تتصلي بصحابك.. تمارسي رياضة.. تسمعي موسيقى.. تمارسي هوايتك المفضلة.. اهم حاجة يكون في وقت ليكي لوحدك.

٣- قللي سقف توقعاتك لأن العشم الزايد هيخليكي تتصدمي كتير و هيحبطك.

٤-مالكيش دعوة بكلام الناس: من اكتر الحاجات إلّي هتسببلك الضغط و التوتر إنك تفضلي تفكري دايما في الناس شيفاكي إزاي و هتقول عليكي ايه، ركزي في نفسك و بس!

٥- سجلي دايما اللحظات الحلوة عشان لما تكوني متضايقه ترجعيها و ده هيديكي طاقه انك تعدي إلّي بتمري بيه مهما كان.

٦-اطلبي المساعدة لما تحتاجيها مش دايما هتعرفي تعتمدي على نفسك في كل حاجه و مش غلط ان حاجه تقف قصادك مش عارفها و تطلبي المساعدة بالعكس هتتعلمي و مش هتضيعي وقتك في ولا حاجة?

متضغطيش على نفسك و دايماً حاولي تحافظي على هدوئك و سلامك النفسي، تقبلي المشاكل و الإنتقادات بعقل مش بشكل شخصي عشان تقدري تحليها و تعديها و الأهم انك تتعلمي منها عشان متتكررش ??
#انتي_تقدري #افي_ضهر_بعض

عن فريق انتربرنيل

شاهد أيضاً

اتعملي لغة جديدة Online

عشان تتعلمي لغة جديدة مش محتاجه سنين، “جوش كوفمان Josh Kaufman” أثبت العكس لما اتعلم …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *