الرئيسية / رياده اعمال / اعرفي مشروعك !

اعرفي مشروعك !

اتكلمنا قبل كده عن ريادة الأعمال مفهومها و مقوماتها و عرفنا أنها قايمه علي مشروع معين.
عايزين نفهم أكتر يعني إيه مشروع و إيه أنواع المشاريع و إزاي بنقيم المشروع:

-المشروع:

هو ببساطه موارد محددة هنستخدمها بشكل معين عشان نحصل في الاخر على منتج نهائي، ممكن يكون المشروع زراعي أو صناعي أو سياحي أو خدمي و ممكن يكون مشروع كبير أو صغير أو متوسط الحجم، محلي، قومي، أو دولي .

– افكار المشروعات:

غالبا الفكرة بتيجي من إحتياجات السوق و العرض و الطلب أو توفر موارد بشرية أو إنتاجية ممكن نستخدمها و نحقق بها أرباح تجارية و إنتاجية.
ممكن بردو فكرة مشروع تيجي كحل لمشاكل بتعترض عمليه تنميه مشاريع تانيه زي ايه مثلاً؟؟ النقل و التسويق و التخزين و التصنيع و التعبئة و هكذا.. يعني ممكن مشروعك يكون بيوفر حلول و تسهيلات لمشاريع تانيه. و في المقابل بتاخدي ربح ليكي.

– مرحلة تقييم المشروع:

مرحله مهمة جدا قبل ما تبتدي التنفيذ بتشمل التقييم المالي والتجاري والاقتصادي للمشروع قبل تنفيذه عشان تقرري التنفيذ من عدمه.
أهمها مصدر التمويل :ازاي هتمويلي مشروعك و ايه الجهه اللي هتبقي مصدر تمويله( قرض مثلا).

-مرحلة تنفيذ المشروع :

لازم تحددي مراحل التنفيذ و توقيتها و متابعتها و تقييم خطوات التنفيذ ،النقطه دي مهمه جدا لأن تنفيذ مشروعك علي أرض الواقع خطوة أساسية في نجاح مشروعك..كتير أفكار كانت مبهرة و لكن عند التنفيذ أثبتت فشلها.

– مرحلة تقييم المشروع بعد التنفيذ :

بتشمل التقييم المالي والتجاري والاقتصادي والاجتماعي والبيئي للمشروع بعد التنفيذ .

طب ايه الفرق بين التقييم قبل و بعد التنفيذ، رغم أن المقاييس المستخدمة واحدة و لكن الفرق أن بعد التنفيذ تستخدم القيم الفعلية للتقيم بينما قبل التنفيذ تستخدم القيم المقدرة (يعني من الاخر المرحله دي بتثبت نجاح المشروع أو فشله).

لازم عشان تنجحي في مشروعك و تبقي رائده أعمال مميزة تهتمي بكل تفاصيل مشروعك.. متعديش حاجة دققي في التفاصيل.. لأن ده اللي هيخليكي مميزة.

مشاركه من || بسمة سعيد.

#انتي_تقدري
#في_ضهر_بعض

عن فريق انتربرنيل

شاهد أيضاً

6 أنواع من الموظفين الذين يعملون عن بعد كل روّاد الأعمال يعرفونهم!

العديد من الشركات تُفضل أن يعمل موظفيها من خلال المكتب، وذلك لعدة أسباب منها أن …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *