الرئيسية / تطوير الذات / إزاي تكتبي بحث بطريقة احترافية !

إزاي تكتبي بحث بطريقة احترافية !

كطالبة جامعة أو مدرسة أوقات كتير بيطلب منك تكتبي بحث أو تقرير عن حاجة متعلقه بالدراسة لكن احيانا مش بتعرفي تكتبيه و بتلجئي لأي سنتر أو مكتبة و النتيجة انك بتاخدي البحث بمقابل مادى وانتي متعرفيش اتعمل ازاى و أحيانا ايه اللي مكتوب جواه.
طب ايه الهدف من الأبحاث اللي بتطلب منك اصلا؟
بتساعدك تعتمدي على نفسك فى جمع المعلومات و تدربي على كتابة البحث بطريقة بسيطة و بكده بتتعلمي تجمعي معلومات عن دراستك من كتب و مراجع من تانيه غير كتب الكلية أو المدرسة.

طب ايه هي خطوات كتابة البحث ؟

١-صفحة البداية: بتكون عبارة عن اسم الباحث و اسم موضوع البحث و اسم المدرس المشرف و اسم الكلية أو المدرسة وبتكتبيهم بطريقة منظمة و بيُفضل فى نصف الورقة أو من اليمين عشان يكون شكل البحث متناسق.

٢-المقدمة : بتكتبى تقديم للموضوع بشكل بسيط صفحة واحدة كحد أقصى و بيكون فيها (عنوان البحث ، أهمية الموضوع ،الهدف من موضوع البحث) .

٣-المحتوى: ممكن تستخدمي الإنترنت أكتبى اسم موضوع البحث على جوجل هيطلعك أكتر من موقع اقرأي المعلومات منهم بشكل جديد و ابدأي أكتبي اللي فهمتيه و متاخديش الكلام بالظبط لأنك كده معملتيش حاجة و هتكوني خدتي كلام حد تاني نسبتيه لنفسك، بالنسبة للموضوع نفسه مايكونش طويل جدا ولا مختصر حاولي تكتبي المفيد، نظمي المحتويات و اتأكدى من ترتيب الفقرات من المقدمة للنهاية و من كتابة العناوين الفرعية و الرئيسية و لو البحث طويل قسميه لفصول.

٤-الخاتمة:
-اخر حاجة أكتبي صفحة خاصة بالمراجع و الكتب اللي استخدمتيها في البحث بعدها صفحة الفهرس(اسم الموضوع و قدامه رقم صفحته) و بكده يكون البحث متقدم بشكل منظم وسهل.
-اكتبي اسم الكُتب و المراجع اللي استخدميها في البحث و اسم المؤلف .
-حاولى ماتقيديش نفسك بموقع واحد أو كتاب واحد عشان معلوماتك متكونش محدودة و تكوني غطيتي كل جوانب البحث.
-متنسيش تراجعي البحث قبل ما تقديمه عشان تتأكدي ان مفيش أي اخطاء إملائيه ، و بكده هتكوني قدمتي بحث بشكل احترافي و زودتي معلوماتك و استفدتي اكتر.

مشاركة من|| علا عبدالدايم.

#انتي_تقدرى #في_ضهر_بعض

عن فريق انتربرنيل

شاهد أيضاً

“مهارات من Google” مبادرة جديدة لرائدات الأعمال .

فرصة جديدة لرائدات الأعمال || اطلقت Google مبادرة جديدة وهي “مهارات من Google” واللي من …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *