الرئيسية / افكار جديده / ٨ أخطاء تتجنبيها وانتي بتكتبي محتوى.

٨ أخطاء تتجنبيها وانتي بتكتبي محتوى.

٨ أخطاء تتجنبيها وانتي بتكتبي محتوى:

 

١- انك متعرفيش هدفك: حاجة منطقية اننا نعرف الهدف من المحتوى اللي بنكتبه (دفع الناس انها تعمل شير, تملى ابليكيشن, تشتري أو تحفيز ليهم ..إلخ ) ومع ذلك لو جربتي تكتبي قبل كده هتعرفي ان الهدف أحياناً كتير بيتهوه وبنركز في تفاصيل تانية وبننسى الهدف وده بيخلينا منوصلش للي عايزينه .

 

٢-العنوان ممل: زي ما قلنا ان اول عنصر في المحتوى هو العنوان ف مهم جدا يكون يشد و مثير للفضول.

-ممكن توصلي للعنوان ده من بحثك وقرأتك عناوين كتير لمحتويات و خصوصا عناوين المجلات العالمية حتى لو موضوع مختلف عن اللي بتكتبي عنه ولما تستقري على عنوان حاولي تغيري فيه لحد ما يليق على موضوعك وبكده هيكون عنوان غير تقليدي و جذاب (مثلا لو الموضوع عن الاستثمار ولقيتي عنوان  اسمه –هل جربت يوما الاحتفال بنفسك؟- ممكن تاخديه تغيريه لـ- هل جربتي يوما العيش كأميرة؟ أو هل جربت يوما عدم القلق من الفقر؟ ) 

الأرقام لو استخدمتيها صح بتكون مفيدة وخصوصا لو رقم دقيق زي (نسبة البطالة وصلت لـ12,7% والحل؟ ) ده هيكون افضل من إنك تقولي (نسبة البطالة وصلت لفوق 12% والحل؟)

وعد أو فائدة: ممكن العنوان يكون بيوضح الاستفادة من قراءة المحتوى دا زي(7 عادات تغير حياتك للأحسن) أو (اشحن طاقتك) بس افتكري كتبتي فايدة المحتوى أو وعد معين إلتزمي بيه , عنوان كويس يساوي محتوى كويس.

يكون واضح: ودا ميمنعش انه يكون غير تقليدي و ذكي بس الأهم أنه يوضح المحتوى

-مثير للفضول: من العناوين اللي بتشد هي المثيرة للفضول زي (بتعمل الأخطاء الشائعة في نطق اللغة الانجليزية؟) أو (اعرف الـ8 اخطاء اللي خسرت المليونير فلوسه)

الصور والتصميمات عامل مهم لجذب انتباه القارىء وتشجيعه على القراءة.

٣-ان مقدمة الموضوع متشدش القارئ: ودي اللي ساعتها القارئ بيقرر يكمل قراءة ولا لأ في مهم تخليها حاجة تخطف وتشد زي إنك تحطيها كـ(قصة-نكتة-تشبيه-عبارة صادمة-سؤال يهمه). 

٤-الموضوع مش منظم : مهم يكون موضوع المحتوى متركز في فكرة واحدة منعاً للتشتيت.(لو كان هدفك ان القارئ يشتري خلي كل كلمة بتختاريها بتحفزه و تشجعه انه يشتري )

٥- متقوليش للقارىء يعمل ايه! : بعد ما شدينا الإنتباه وشجعنا الناس انها تقرأ انتي هتكوني استفدتي ايه لو مثلا لو بتعلني عن ورشة مهم قولي لو عايز تحضري املي الابليكشن دي. 

٦-انتي مين؟ وبتعرضي إيه؟ : لو بردو على مثال الورشة مهم يعرفوا مين اللي مقدمها والمحاضر اللي هيديهم دراسته وخبرته عشان يثقوا في كلامك وكمان متنسيش توضحي الأفكار الرئيسية اللي هياخدوها في الورشة.

٧-موضحتيش انت مميزة عن المنافسين بإيه: ممكن توضحي دا مثلا فارق السعر أو وجود شهادة والعبي على اقناعهم عاطفيا يعني ارسملهم بالكلمات هيحسوا بأيه اثناء التدريب أو بعده أو هيطلعوا منه بأيه مثلا الثقة، السعادة، الرضى و منطقيا بالنسب والأرقام ومصادر موثوق منها بتوضح اهمية المادة العلمية دي والفائدة منها.

٨-احيانا بيكون في صفك استخدام حاجة تقلل التردد اللي بيحسه الشخص اللي هيدفع أو هيشتري زي مثلا انه لو ملقاش الكلام اللي قلتيه كله صح يقدر يسترد المبلغ .

و بكده تقدري تكتبي محتوى متكامل و يجذب الإنتباه ??

#انتي_تقدرى #في_ضهر_بعض 

 

عن فريق انتربرنيل

شاهد أيضاً

اتعملي لغة جديدة Online

عشان تتعلمي لغة جديدة مش محتاجه سنين، “جوش كوفمان Josh Kaufman” أثبت العكس لما اتعلم …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *