الرئيسية / تطوير الذات / ابدأي حياتك برا ال Comfort Zone !

ابدأي حياتك برا ال Comfort Zone !

في حياتك وعملك هل تفضلي القيام بالأعمال الروتينية ،التى سبق لك تجربتها ونتائجها واضحة لك أو القيام بالأعمال الجديدة ،والتى لم تجربها ولا تدري عن نتائج قيامك بها؟ ”

السؤال ده من اختبار تحديد الشخصية ، والحقيقة إن إجابته بتعرفنا حاجات كتير عن نفسنا . احنا كبشر بنميل بطبيعتنا للحاجة المضمونة اللي مفيهاش مخاطرة ولا قلق ولو ينفع انها تيجي لحد عندنا عالأغلب مش هنقول لأ .. بس للأسف ده مبيحصلش!.
من أصعب الحاجات اللي ممكن تعمليها و أهمها في نفس الوقت انك تتحدي نفسك لأن ده معناه الخروج بره الـ ” comfort zone” بتاعتك و اللي بتكوني حاسه فيها بكل الراحة والأهم حاسة فيها بالأمان والاستقرار ، بس بالرغم من كل ده بتقرري تواجهي الأمان الوهمي لأن فيه صوت جواكي بيطلب التغيير وانك تعيشي مغامرة جديدة واللي لو بطلتي تتجاهليه وركزتي معاه وجمدتي قلبك هتقدري تتغيري للأحسن .
اللي بتخليكي متمسكة بدايرة الراحة ورافضة تخرجي براها انك عارفه كل اللى بتواجهيه فيها ، بتتعاملي مع أشخاص محددين عارفاهم وعارفه ردود أفعالهم ، بتتحطي فى مواقف بتعيشيها كل يوم ، مش معنى كده ان كل حاجة فيها سهلة ومفيهاش حزن وإحباط ، لا فيها بس بتحاولي ترضي بيهم وتتقبليهم..
طب إزاي تخرجي من الدايرة دي وتبدأي تعيشي الحياة بجد ،أهم حاجة تبقى عارفة ان الموضوع مش هيبقى سهل ده صراع جواكي وضغط نفسي ودماغك هتصعبها عليكي أكتر وتصورلك سيناريوهات كتير سلبية بره دايرتك ، عشان كده :
١- شجعي نفسك و دايما خلي عندك ثقه انك هتنجحي.
٢- استوعبي أن شعورك بعدم الراحة بره دايرتك طبيعي جدا ،لأنه هيستمر معاكي فترة على ما تتعودي .
٣- اعرفي انك هتقابلي مواقف مختلفه هتحسي بالإحراج ،الرفض،النقد بس ده معناه انك بتعيشي وتتغيري وهو ده المطلوب .
٤- اتخيلي الحاجة اللي عايزة تعمليها وإحساسك لما وصلتليها ،ده له تأثير إيجابي على نفسك وهيساعدك انك توصلي أسرع للي عايزاه .
٥-ابدأي بتحديات صغيرة ومتحطيش نفسك تحت ضغط ضخم ،الأهم الاستمرارية .
٦- لما تحسي إنك عايزة تهربي وترجعي دايرتك المريحه وده هيحصل ،افتكري انتي ليه بدأتي من الاول ،وأن دي الطريقة الوحيدة للنمو والتغيير.
٧- اقرأي وشوفي وثائقيات عن حياة الأشخاص الناجحين والتحديات الكبيرة اللي واجهوها .
٨- فكري فى حاجات عملتيها زمان ووقتها كنتي مش مرتاحة و بتقولي مش هعرف ودلوقتي بتعمليها بشكل عادي جدا .
٩ – متستنيش فرصة معينة ، متقوليش يوم ميلادي هبدأ ، او بكرة .. قرري حالا. وابدأي . ١٠- خليكي عارفه انك موجودة هنا ،لأن فى حاجة انتي وحدك اللي تقدري تعمليها وتضيفيها للحياة .
حياتك أكبر بكتير من اللي انتي رسماها لنفسك في الـComfort Zone بتاعتك اخرجي براها و ابدأي مغامرتك الجديدة??
#انتي_تقدري #في_ضهر_بعض
مشاركة من || سُميه العليمي

عن فريق انتربرنيل

شاهد أيضاً

“مهارات من Google” مبادرة جديدة لرائدات الأعمال .

فرصة جديدة لرائدات الأعمال || اطلقت Google مبادرة جديدة وهي “مهارات من Google” واللي من …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *