الرئيسية / تطوير الذات / نصايح مهم تعرفوها في بداية طريقكم للبحث عن وظيفة

نصايح مهم تعرفوها في بداية طريقكم للبحث عن وظيفة

بما إن في ناس كتير اتخرجت قريب وأكيد بدأوا يدوروا على شغل.. حبينا نساعدكم بشوية نصايح مهم تعرفوها في بداية طريقكم للبحث عن وظيفة :

– اعرفي إن الهدف الاساسي من الانترفيو هو التأكد من المعلومات اللى فى ال C.V و التأكد من المهارات الشخصية و Communication skills ,Presentation Skills عشان كده متكتبيش أي حاجة مش فيكي أو مش عارفة عنها كويس.

– قبل الإنترفيو سواء مقدمة على تدريب أو منحة أو وظيفة لازم تعرفى عن الشركة اللى أنتى مقدمه فيها و تعرفى أقسامها و أهم انجازتها و جهزى الأسئلة اللى متوقعه تتسألى فيها و إجابتك عليها ، حاولى يكون عندك خلفية عن معايير الشركة اللى بتختار على أساسها الموظفين و ذاكريهم كويس.

– جربى تعملى انترفيو مع صحبتك أو HR تعريفه علشان تتعودى و تكسرى حاجز الخوف ، خليكي دايما واثق فى قدراتك.

– اهتمي بحساباتك على السوشال ميديا عشان بعض الشركات بتراجع حساباتك الشخصية فحاولى تشيلي أي حاجة مش مهمة عليهم و تنشري الحاجات المفيدة والإيجابية والخاصة بمجالك بس.. مفيش مانع إنك تظهري شخصيتك وآرائك بس حاولي تركزي أكتر على اللي يفد الناس و تبع تخصصك.

– في الإنترفيو أهم حاجه حاولى تلبسي اللبس المطلوب و بلاش تلبسي حاجات ملفتة للانتباه .. اعملى حساب زحمة الطريق وحاولي توصلى قبل ميعادك بنص ساعة عشان تستريحي و تهدي نفسك قبل ما تدخلي الانترفيو وقبل ما تدخلى اعملى موبيلك صامت.

– لو حصل ظروف و مش هتقدري تروحى اتصلى اعتذري و حددي ميعاد تانى.

– فى نهاية الإنترفيو الـHR ممكن يسأل تقييمك لنفسك ايه من ١ إلى ١٠ حاولى إجابتك تكون مابين ٧ ، ٨ ، ٩ لأن ١٠ هيعتبروها ثقه زايدة أو غرور و بلاش اختارى ٦ او اقل علشان دا هيبان انه عدم ثقه فى نفسك ، لو عكيتى علشان دا اول انترفيو ليكى و كدا اختارى ٧ ، أما لو حسيتى نفسك معكتيش اوى اختارى ٨ ، لو تمام و جاوبتى على كل الأسئلة و راضيه اختارى ٩.

– لما الـHR يسألك عن إذا كان عندك سؤال أو لا بلاش تجاوبى بلا .. ممكن تسألى عن الشركة أو عن أساس تقييم أداء الموظفين أو لو اتقبلت هيكون فى فتره تدريب قبل الشغل ولا ايه .. بس خدى بالك متسأليش سؤال المفروض انك تكونى عارفه إجابته.

– خدى بالك من أخطاء الإنترفيو و إقرئى عنها كتير و دا لينك عنها || goo.gl/TTnoLF
– و دا لينك لأسئلة و إجابات من أصعب اسئلة الإنترفيو || goo.gl/YhRzZr

نتمني لكي التوفيق ?

مشاركة || Ola Abduldayem

عن Entreprenelle Team

انتربنيل شركة مُجتمعية هدفها مساعدة الفتيات في إكتشاف فرص عمل جديدة عن طريق البدء في تنفيذ مشروعاتهن الخاصة أو إيجاد وظائف أفضل و نساعدهن على كيفية التعامل مع سوق العمل بكافة مجالاته، تقديم دورات تدريبية و ورش عمل عن كيفية بدء المشاريع و تسويقها بشكل أفضل مادة مُبسطه متوافرة مجانا من خلال موقعنا و شبكات التواصل الإجتماعي الخاصة بنا و التي تحتوي على مقالات تحفيزيه بسيطة و إلقاء الضوء على النماذج الناجحة و المُلهمة في العالم ككل في مجال ريادة الأعمال و غيره.

شاهد أيضاً

“مهارات من Google” مبادرة جديدة لرائدات الأعمال .

فرصة جديدة لرائدات الأعمال || اطلقت Google مبادرة جديدة وهي “مهارات من Google” واللي من …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *