الرئيسية / تطوير الذات / ٧ حاجات هتأثر إيجاباً علي كفائتك في شغلك مش محتاجين قوة خارقة !

٧ حاجات هتأثر إيجاباً علي كفائتك في شغلك مش محتاجين قوة خارقة !

اهتمامك ببعض التفاصيل في شغلك هيساعدك تظهريه بشكل أحسن و جودة أعلى .. بعض التفاصيل دي بننسى نهتم بيها في زحمة الشغل والمسؤوليات .. عشان كده حبينا نجمع ليكي بعضها إللي هتساعدك في تطوير شغلك :
١- مواعيدك || حاولي تكون مظبوطة .. دي من أهم الحاجات إلي بتظهر احترام الشخص لشغله و أهميته بالنسبة له.
٢-أخلاقيات العمل || مهم تهتمي بيها وتطبيقها في كل تفاصيل مهنتك .. و هتقدري تكسبي ثقة العميل من خلال مصداقيتك.
٣- لغة الجسد || من الحاجات المهمة جدا إلي ليها علاقة بالتعامل المباشر مع العملاء والي بيكون ليها دور مهم في اقناعهم بالمنتج.
٤- الطاقة الإيجابية والتشجيع || النقطة دي بيتميز بيها القائد الناجح لفريق عمله و إلي بتحول شغلك من روتين مرهق لأستمتاع بكل لحظة بتعدي والبيئة الإيجابية دي بتساعدك تفكري احسن.
٥- طريقة احتوائك للمشاكل || أسلوبك في التعامل مع المشاكل وحلها بأحسن طريقة و في أسرع وقت مهارة مهم تكتسبيها.
٦- الشغف || و ده أساس اي شغل ناجح و “مختلف” و مميز .. وننصحك أول ما تلاقي الشغف دا في حاجة معينة اشتغلي فيها وساعتها هتتميزي وهتحققي نجاح بشكل أسرع.
٧- كوني قدوة || ابدأي بنفسك و اعملي الحاجة الي عايزة غيرك يعملها ومع الوقت هتقدري تحققي دا.
إنك تشتغلي و تنتجي ده شئ عادي إنما انك تحبي شغلك و “تبدعي” فيه ده الي هيميزك و يخليكي مختلفة و يعمل منك نموذج و مصدر إلهام لكل الي حواليكي..

عن Entreprenelle Team

انتربنيل شركة مُجتمعية هدفها مساعدة الفتيات في إكتشاف فرص عمل جديدة عن طريق البدء في تنفيذ مشروعاتهن الخاصة أو إيجاد وظائف أفضل و نساعدهن على كيفية التعامل مع سوق العمل بكافة مجالاته، تقديم دورات تدريبية و ورش عمل عن كيفية بدء المشاريع و تسويقها بشكل أفضل مادة مُبسطه متوافرة مجانا من خلال موقعنا و شبكات التواصل الإجتماعي الخاصة بنا و التي تحتوي على مقالات تحفيزيه بسيطة و إلقاء الضوء على النماذج الناجحة و المُلهمة في العالم ككل في مجال ريادة الأعمال و غيره.

شاهد أيضاً

“مهارات من Google” مبادرة جديدة لرائدات الأعمال .

فرصة جديدة لرائدات الأعمال || اطلقت Google مبادرة جديدة وهي “مهارات من Google” واللي من …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *