الرئيسية / تطوير الذات / ثقتك في نفسك بتأثر على شغلك

ثقتك في نفسك بتأثر على شغلك

ثقتك في نفسك بتأثر على شغلك || الثقة فى النفس من أهم العناصر إلى لازم تكون موجودة فيكى كرائدة أعمال عشان تقدرى توصلى مشروعك للنور و تخلى كل إلى هيكون راعى او داعم ليكى من شركات مؤمن بفكرتك و دي نصائح هتساعدك في ده ? :
اعرفي نقط ضعفك || حددى نقط الضعف إلى عندك عشان تعالجيها و تطورى ذاتك و حاولى تتعلمى من أخطائك و متيأسيش.
نمى نقط قوتك || لو عندك مهارات خاصة و مواهب لازم تركزى عليها و تنميها زى لغات بتتقنيها او مهارات الكمبيوتر زى البرمجة و الفوتوشوب و تنميهم عن طريق الممارسة و انك تاخدى كورسات فيهم.
– اهتمى بمظهرك || شكلك عنوانك و كمان لو انتي راضية عن شكلك و مظهرك هتكونى مرتاحة فى التعامل مع الناس و هتكونى أكثر ثقة فى نفسك ، اهتمى بأناقة لبسك و انه يكون مناسب للحدث و المكان.
– وسعى مداركك || داومى على قراءة الصحف و المجلات و الكتب و اتعلمى حاجات جديدة و مختلفة هتلاقى نفسك واعية بالحياة حواليكى و مدركاها بشكل أكبر.
– الاسترخاء و التامل || اخرجى و سافرى أماكن جديدة تتسم بالهدوء و الخضرة عشان تتخلصي من الانفعالات و الطاقات السلبية و تحررى فكرك من اى ضغوط.
– وسعى دايرة معارفك || احضرى التجمعات الإجتماعية و المناسبات عشان تكسبى علاقات جديدة فى حياتك ودي هتفيك زي ما هتفيد شركتك أو مشروعك.
– مارسى رياضة بانتظام || الرياضة ليها دور فعال فى انها تزود ثقتك بنفسك و تساعدك تكونى إيجابية و ممكن ممارستها فى أى شكل.
– متقارنيش نفسك بحد || المقارنة بالآخرين هتظلمك لأن كل واحد و ليه حالته الخاصة و ظروفه و قدراته ، إلى عليكى انك تحطى اهداف و تشتغلى عليها عشان تحققيها و تشجعى نفسك دايما.
مشاركة || Sarah Mohamed Aboelftooh

عن Entreprenelle Team

انتربنيل شركة مُجتمعية هدفها مساعدة الفتيات في إكتشاف فرص عمل جديدة عن طريق البدء في تنفيذ مشروعاتهن الخاصة أو إيجاد وظائف أفضل و نساعدهن على كيفية التعامل مع سوق العمل بكافة مجالاته، تقديم دورات تدريبية و ورش عمل عن كيفية بدء المشاريع و تسويقها بشكل أفضل مادة مُبسطه متوافرة مجانا من خلال موقعنا و شبكات التواصل الإجتماعي الخاصة بنا و التي تحتوي على مقالات تحفيزيه بسيطة و إلقاء الضوء على النماذج الناجحة و المُلهمة في العالم ككل في مجال ريادة الأعمال و غيره.

شاهد أيضاً

“مهارات من Google” مبادرة جديدة لرائدات الأعمال .

فرصة جديدة لرائدات الأعمال || اطلقت Google مبادرة جديدة وهي “مهارات من Google” واللي من …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *