الرئيسية / اشتغلي من البيت / مجموعة أشغال يدوية من البيت

مجموعة أشغال يدوية من البيت

لما اتكلمنا عن الشغل من البيت جاتلنا اسئلة كتير عن إزاي ابدأ الشغل من البيت أو ايه افضل حاجة ابدأ بيها عشان كده جبنالكوا مجموعة من الأشغال اليدوية و إزاي تقدري تبدأي فيها:
١- صناعة الهدايا و العلب الخاصة بيها ||
بتحتاجي الورق السميك و أشرطة الزينة و أدوات تانيه زي الصمغ و المقص و المسطرة و القلم الرصاص و غيرهم ،علشان تتعلمي و تتقني الحرفة محتاجة تشوفى فيديوهات كتير على يوتيوب و أفكار مختلفة على الإنترنت عشان تقدرى تبتكري أشكال مختلفة خاصة بيكي.
٢- صناعة الاباجورات ||
بتحتاجي برطمانات زجاجية و اسطونات كمبيوتر و سلوك معدنية و الاخشاب و غيرهم ،
التعليم من البيت بيكون عن طريق فيديوهات يوتيوب او فى كتب متخصصة فى التعليم أو عن طريق ورش تدريبية .
٣- تزيين الفخار و الرسم عليه بالأدوات المختلفه و الرسم على الزجاج و الرسم أو الكتابة على الاكواب أو المجات ||
حرف الرسم مش للناس إللي بتعرف ترسم بس، معظمنا بيفتكر ان حِّرف الرسم مخصصة للموهوبين فقط لأ الموضوع بسيط جدا لو حابه تتعلمي الرسم أو بتعرفي ترسمي بس مش قوي أو بتحبي التلوين ممكن يتعلمي فن الرسم بمختلف أنواعه و تتقنيه من خلال فيديوهات اليوتيوب وتحاولي تبتكري تصميمات جديدة و تبدئى تطبقي على الفخار أو الزجاج أو الأكواب
٤- التفصيل و الخياطة ||
نظرا لغلاء اسعار الملابس المستوردة فأنتى ممكن تفصلي بجودة أعلى منهم و هاتوفري كتير، يُفضل انك تتعلميها عن طريق دورات تدريبية أو ورش عمل.
٥- منتجات الكورشية: ممكن تدخليها فى حاجات كتير من ديكورات البيت او فى ملابس الاطفال و ممكن التعليم عن طريق فيديوهات اليوتيوب.
٦-إنتاج الأكسسوارات ||
من الأشياء السهلة إللي ممكن تتعلميها مع الوقت و بالممارسة ، وممكن تعتمدي على
فيديوهات اليوتيوب فى التعلم . بتحتاجى الخرز و الخيوط او السوك المعدنية أو الأحجار واحيانا بتحتاجى شرائط الزينة وغيرها، على حسب كل عمل
ملحوظة لو هتنفذي مشروع إنتاج الإكسسوارات سواء كنتي موهوبه أو لأ لازم تكوني مُدركة لـعملية تناسق الألوان أو بمعنى اخر إنك تعملي شئ جميل عن طريق تناسق حجم الاحجار و الألوان مع بعضها و عشان تتعلمي كيفية اختيار الأذواق المناسبة ممكن تدخلي على المواقع إللي بتبيع الإكسسوارات الهاند ميد و تشوفي اكتر أشكال محققه بيعآً أو في المحلات و تشوفي اهم المعروضات و اكتر الأشكال مبيعآً و حاولي تعملي زيها مع إضافة لمستك الفنيه .
مهم || اتعلمي تسويق || بعد ما تتدربي كويس و تبداي تبتكري افكار جديدة و مختلفة و تطلعي منتج جيد من حيث المظهر و الجودة ممكن عرضها على محلات التحف أو محلات مستلزمات البيت أو عن طريق صفحتك الخاصة على مواقع التواصل الإجتماعي و ده هيكون الأسهل و الأوفر بالنسبالك.
عشان تتعلمي شئ جديد أو تكتسبي مهارة جديدة محتاجة صبر وممارسة لأن الموضوع فى الأول صعب بس مع التدريب و الممارسة هيبقى أسهل.. ابدائي و متكسليش
مشاركة || Ola Abduldayem

عن Entreprenelle Team

انتربنيل شركة مُجتمعية هدفها مساعدة الفتيات في إكتشاف فرص عمل جديدة عن طريق البدء في تنفيذ مشروعاتهن الخاصة أو إيجاد وظائف أفضل و نساعدهن على كيفية التعامل مع سوق العمل بكافة مجالاته، تقديم دورات تدريبية و ورش عمل عن كيفية بدء المشاريع و تسويقها بشكل أفضل مادة مُبسطه متوافرة مجانا من خلال موقعنا و شبكات التواصل الإجتماعي الخاصة بنا و التي تحتوي على مقالات تحفيزيه بسيطة و إلقاء الضوء على النماذج الناجحة و المُلهمة في العالم ككل في مجال ريادة الأعمال و غيره.

شاهد أيضاً

المهندسة “رنا الشميطلي” مؤسسة مشروع المهندس الصغير.

هدفي توفير مكان مناسب للأطفال والشباب لتطوير مواهبهم و إطلاق العنان لإبداعهم ! المهندسة “رنا …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *