الرئيسية / اشتغلي من البيت / الشغل مش عيب !

الشغل مش عيب !

انك تشتغلي من البيت أو تبدأي في مشروع تزودي بيه دخلك أو مصروفك مبقتش حاجه صعبه و من أهم المواضيع إللي بتشغل أغلب البنات و الستات دلوقتي مش بس لأنهم بيحبوا يشيلوا جزء من المسؤولية و لكن عشان للظروف الأقتصاديه و حاله الغلاء العامة ، في منهم عشان يستغلوا وقتهم و ميروحش على الفاضي.. عشان كده جبنالك بعض الخطوات البسيطه إللي بيها تقدري تبدأي مشروع خاص بيكي حتى لو من البيت :

١- الفكرة : لازم تدوري على فكرة مميزة و تبقي عارفه كويس هدفك من تنفيذها ايه و حتى لو فكرة موجودة و مُكررة ممكن تنفيذها بشكل مختلف يميزك عن إللي موجود و عشان كده دوري كتير و متستسهليش لأن كل ما فكرتك كانت مختلفه كل ما هتتميزي اكتر.

٢-اسم المشروع و شعاره : و إللي لازم يكون مختلف و مميز لانه اكتر حاجه هتشد الناس انها تشتري منتجك و مع تطويرك و نجاحك هيكون ده أسمك في السوق أو “البراند” الخاصه بيكي.

٣- تصوراتك عن المشروع : بمعنى انك تكوني عارفه إمكانياتك المتاحه ايه ؟ و احتياجتك للمرحله الجايه ،، و هل انتي محتاجه شركاء او فريق عمل والا هتقدري تديري مشروعك بنفسك ؟

٤-خطه عمل المشروع: و دي بتكون رؤيه كامله عن مشروعك زي امتى هتعلني عنه ؟ و مين الناس إللي ممكن يساعدوكي أو يكونوا مستثمرين محتملين ؟ والمبلغ إللي هتبدأي بيه و مصروفاتك و شريحه العملاء إللي بتستهدفيها و هتتواصلي معاهم ازاي و هكذا .

٥- خطه التسويق : اغلب الناس بقت تعتمد على مواقع التواصل الأجتماعي في تسويق منتاجتها لأنها الأسهل و الأسرع و عشان كده لازم تحددي الوسيلة إللي هتسوقي بيها لنفسك و مشروعك و هتحتاجي مساعدة في ايه و مين و ده اكتر جزء لازم تهتمي بيه لانه هيكون سبب مهم جدا لنجاحك .

البدايات مش دايما بتكون سهلة ، لكن لما توصلي و تنجحي هتحسي ان تعبك مضعش في الهوا و ان نجاحك كان يستحق كل المجهود و التعب ده.. ابدائي من النهاردة متكسليش ;)?

#انتي_تقدري #في_ضهر_بعض

عن فريق انتربرنيل

شاهد أيضاً

عوامل نجاح الشركة الناشئة (ELVES) و تحقيق إيرادات شهرية قيمتها ٨٠ ألف دولار في أقل من عام

احتلت شركة ELVES المركز السادس في قائمة أفضل ٢٠  شركة ناشئة فى مصر وفقا لنتائج …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *