الرئيسية / تطوير الذات / ١٠ نصائح تساعدك تكوني أسعد و أنجح

١٠ نصائح تساعدك تكوني أسعد و أنجح

مهم تكونى متصالحة مع نفسك و ما تحاسبيش نفسك على كل حاجة مقدرتيش تعمليها .. حاولي تبعدي عن الضغوط الزيادة  و زي ما بتخصصي وقت لشغلك و لمسؤولياتك مهم بردو تخصصي وقت لنفسك ولاهتماماتك عشان طاقتك و انتاجيتك تزيد

١- خصصي وقت لنفسك
حاولي تبعدي في الوقت دا عن موبايلك ، شغلك ، أسرتك اقعدي مع نفسك وحاولي متفكريش في أي حاجة حتى لو دقائق في البيت.

٢- ممارسة الرياضة و التأمل
من أكثر الطرق اللي هتزود طاقتك و إنتاجيتك .. و ممكن تبدأى بتمارين صغيرة زى تمرين النفس العميق او خمس دقائق لجلسة تأمل سريعة .

٣- ابعدي عن اللي بيضيع وقتك
سواء كان موقع من مواقع التوصل الاجتماعي أو شخص أو أي حاجة تانية مش من أولوياتك وفي نفس الوقت بتاخد كتير من وقتك .. الوقت دا انتي أولى بيه.

٤- اكتسبى مهارة التفويض
حاولي تفوضي بعض المهمام اللي عليكي لغيرك اللي يقدر يعملها .. الطريقة دي بردو هتساعدك تنظمي وقتك.

٥- اتعلمي تقولي لا
مهم تبيني لأي حد يعرفك إنك مش متاحة على طول .. و خصصي وقت محدد يومياً أو أسبوعياً لكل حاجة ممكن تشتتك باقي وقتك.

٦- رتبى جدول للأجازات
حددى مواعيد للأجازات تستمعى فيه فعلاً و ما ينفعش إنه يتأجل او يتلغى دى اهم حاجة هتخفف عنك كم الضغوط اللى حاسة بيها .

٧- راقبى مستوى نشاطك
اتعرفى على مستوى نشاطك البدنى و عادات نومك و اهتمى بنفسك صحيًا لإن فى حالة خلل نشاطك دا هيحسسك اكتر بالقلق و الكسل

٨- ضبطي مواعيد نومك
من الحاجات اللي هتخلي يومك ووقتك كله منظم أكثر.

٩- اعملى ” To Do List ” يومية
اكتبى فيها كل الحاجات اللي مهم تعمليها ونظميها حسب الاولوية .. دا مهم جدًا عشان ما تحسيش بالتشتت طول اليوم .

١٠- اهتمي بهواياتك
دورى على الحاجة اللى بتفصلك عن الشغل زى الرسم , الموسيقى , القراءة , التصوير كلها حاجات هتسببلك راحة كبيرة .. استخدمى الوقت دا إنك تطورى نفسك فى حاجة منهم .

إنك تحققى التوازن بين حياتك الشخصية و شغلك أكيد هياخد وقت لكن مع الوقت دا هيأثر إيجابياً على مستوى نجاحك و سعادتك.

عن فريق انتربرنيل

شاهد أيضاً

أماكن ستستمتعين بزيارتها في القاهرة

يوجد في القاهرة العديد من الأماكن التي يمكنك الاستمتاع والاستفادة منها و بأسعار رمزية مثل …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *